Kush jemi

Qëndra e Gruas “Hapa të Lehtë” është një organizatë jo-fitimprurëse, themeluar ne 2003. Lind nga deshira dhe impenjimi i një grupi grash nga Shkodra, pasi eksperimentuan së bashku që nga 2001, me një tërësi aktivitetesh me baze promocionin social dhe mbrojtjen e të drejtave njerëzore.

Objektivi i qendrës gjithmone ka qenë dhe është krijimi i një hapsire të hapur për të gjitha gratë , një vend ku grate mund të gjejnë përgjigje ndaj cështjeve që kane të bëjnë me problemet sociale, ekonomike dhe juridike por mbi të gjitha aty do gjejne një vend qe do i dëgjojë dhe do i mbështesë. Pjesmarrja direkte e përfituesve në vendimarrje dhe realizimi i figurave si lider komuniteti është një qëllim me vete, i cili realizohet me kujdes dhe sukses.

Me rëndësi për Qendrën e Gruas paraqesin projektet për zhvillimin komunitar të 3 zonave periferike “Mark Lulaj”, “Kiras” dhe “Iliria” duke u nisur nga nevojat dhe prioritetet e grave.

Aktivitetet dhe administrimi ekonomik i “Qendrës së Gruas” janë të koordinuara nga “Komiteti i Drejtimit” i përbërë nga 9 gra , të përzgjedhura cdo 2 vjet nga “Asamblea e Anëtarve”.

Në brendësi të Qendres janë të pranishëm: Bar-Restorant, Shërbim -Katering, Kopësht, Ludotekë, Hapsirë për Kurse Formimi, Qendër Dokumentacioni. Në tërësi, organizohen Kurse Formimi , Aktivitete Sociale dhe Komunitare me gratë, të rijntë dhe fëmijët në 3 lagjet periferike, Mbrëmje Kulturore dhe Sensibilizimi për të Drejtat e Grave. Janë aktivë, me kohe të plotë Shërbimi Antidhunë që ofron Konsulence emocionale, sociale dhe juridike, plus sherbim për mbrojtjen e të drejtave riprodhuese. Qendra ka promovuar “Tryezën Ndërinstitucionale” për të luftuar Dhunën ndaj Grave në Familje ,me pjesmarrjen e : Policisë, Bashkisë, Drejtorisë së Shëndetit Paresor dhe Sekondar. Plus “Grupi nderinstitucional” që mbron të Drejtat Riprodhuese të femrës, po me pjesmarrjen e Bashkisë dhe Drejtorisë së Shëndetit Parësor dhe Sekondar, duke i kushtuar vemendje të vecantë periudhës së Shtatzanisë.